ရွှေပြည်သာမြို့ ၆ ရပ်ကွက်၊ရပ်ထားသည့် ဆိုင်ကယ်မှ ဗုံးပေါက်ကွဲ

ရန်ကုန်တိုင်းဒေသကြီး၊ ရွှေပြည်သာမြို့နယ် အမှတ် ၆ ရပ်ကွက် ရွှေညာမောင်ဈေးအနီး ယမန်နေ့ ညဦးပိုင်းက ရပ်ထားသည့် ဆိုင်ကယ်တစ်စီးမှ ပေါက်ကွဲမှု ဖြစ်ပွားခဲ့ကြောင်း ယင်းရပ်ကွက်နေထိုင်သူများထံမှ သိရသည်။

ဖြစ်စဉ်မှာ အမည်မသိ လူတစ်ဦးမှ ဆိုင်ကယ်ကို လမ်းပေါ်တွင်ရပ်ထားခဲ့ကြောင်း၊ ရပ်ထားခဲ့ပြီး ခဏအကြာ တွင် ဆိုင်ကယ်မှာ ပေါက်ကွဲမှုဖြစ်ပွားခဲ့ကြောင်း၊ ဆိုင်ကယ်ပိုင်ရှင်မှာ ထွက်ပြေးသွားပြီး၊ ပေါက်ကွဲမှုကြောင့် လမ်းသွားလမ်းလာတစ်ချို့ ထိခိုက်ဒဏ်ရာရခဲ့ကြောင်း၊ အဆိုပါ ဆိုင်ကယ်ပေါက်ကွဲမှုမှာ ချိန်ကိုက်ဗုံးဟု ယူဆ ရကြောင်း သိရသည်။

ယင်းနောက် လုံခြုံရေးတပ်ဖွဲ့ဝင်များ လာရောက်စစ်ဆေးခဲ့ကြောင်း၊ အမှတ် ၆ ရပ်ကွက် အုပ်ချုပ်ရေးမှူးရုံး အနီးတွင် ဗုံးပေါက်ကွဲမှုများရှိခဲ့ကြောင်း ယင်းရပ်ကွက်နေထိုင်သူများထံမှ သိရသည်။

Crd

Leave a Reply

Your email address will not be published. Required fields are marked *