FA တွေအတွက် ၁လအတွင်း ရည်းစားရစေနိုင်မယ့်နည်းလမ်းများ

သင့်ကို သူငယ်ချင်းတွေက FA တစ်ယောက် ဆိုပြီး အမြဲတမ်း ဝိုင်းနှိမ်နေတာ ကို ခံနေ ရပြီလား၊ ဒါမှမဟုတ် ကိုယ်သဘောကျတဲ့ ကောင်မလေးတွေ ရှိရဲ့သားနဲ့ ဘယ်လို ချည်းကပ် ရမှန်း မသိလို့ အခက်တွေ့နေတာလား၊

ဒီနည်းလမ်းတွေကို လုပ်ကြည့် လိုက်ပါ။ သင့်ကို ဂေါ်မစွံတစ်ယောက် ဘဝက လွတ်မြောက်ဖို့ ကူညီပေးနိုင် ပါလိမ့်မယ်နော်။

(၁) တန်ဖိုးကြီး စားသောက်ဆိုင်တွေမှာ ဓာတ်ပုံရိုက်ပါ။

ကိုယ်တိုင် သွားစားတာပဲ ဖြစ်စေ၊ သူငယ်ချင်း တစ်ယောက်ယောက် သွားလို့ လိုက်သွားတာ မျိုးပဲ ဖြစ်စေ၊ လမ်းကြုံတာမျိုးပဲ ဖြစ်စေ တန်ဖိုးကြီး စားသောက်ဆိုင်တွေကို ရောက်တိုင်း ဓာတ်ပုံ ရိုက်ပါဖို့ မမေ့ပါနဲ့ ။

ပြီးရင် အဲ့ဒီဓာတ်ပုံနဲ့အတူ Check In ဝင်တာမျိုး၊ မှတ်ချက်တစ်ခုခု ရေးတာမျိုးလုပ်ပြီး ကိုယ့်ရဲ့ Facebook အကောင့်မှာ တင်ပါ။ ဒီလို လုပ်ခြင်းအားဖြင့် သင့်ကို လူတွေက အထင်ကြီးစေပြီး သူတို့ စိတ်ထဲမှာ မှတ်ချက်ကောင်းကောင်း ပေးပြီးသွားလည်း ဖြစ်သွားနိုင်ပါတယ်။ ဘယ်လိုပြောရမလဲ။ လူရှိန်တာပေါ့။

(၂) ကားမောင်းနေရင်းရိုက်တဲ့ ဆယ်လ်ဖီတွေ တင်ပါ။

ကားမောင်းနေရင်း ရိုက်တဲ့ဆယ်လ်ဖီဆိုတာ တစ်နည်းအားဖြင့် ကိုယ့်မှာ ကားရှိကြောင်း ကြွားလိုက်တာပါပဲ။ တက္ကစီမောင်းနေရင်တော့ တမျိုးပေါ့။ LOL ။ ဒီနည်းလမ်းကလည်း လူအထင်ကြီးမှုကို တစ်ဖက်က ရယူလိုက်တာပါပဲ။

ဥပမာ – သင်က မိန်းကလေးတစ်ယောက်ကို ကျိတ်ပြီး သဘောကျနေတယ်ဆိုရင် အဲဒီမိန်းကလေးက ကိုယ့်ကို အထင်မကြီးသရွေ့ ပြန်ကြိုက်ဖို့ လမ်းမရှိတော့ပါဘူး ။

Young man taking a selfie while driving

ဒီတော့ အထင်ကြီးအောင် နည်းမျိုးစုံနဲ့ လုပ်သာလုပ်ပါ။ ကိုယ့်မှာ ကားမရှိဘူး၊ ကားမမောင်းတတ်ဘူး ဆိုရင်လည်း ကားပိုင်တဲ့ သူငယ်ချင်းတစ်ယောက်ကို အကူအညီတောင်းပြီး ကြိုးစားကြည့်ပေါ့။ လွယ်တော့မလွယ်ဘူးလေ။ မျက်နှာပြောင်ရတာပေါ့ ….။

(၃) အလှဆုံး Camera Affect တွေကိုသုံးပါ။

သင့်ဘာသာသင် အပြင်မှာ ဘယ်လိုမျက်နှာကြီးပဲ ဖြစ်နေနေ ဓာတ်ပုံထဲမှာတော့ အစွမ်းကုန်လှဖို့ ကြိုးစားပါ။ သင့်မျက်နှာက နူးညံ့ပြီး ချောမွေ့နေရမယ်၊ သင့်အပြုံးက ဆွဲဆောင်မှု ရှိနေဖို့ လိုပါတယ်။

ဒါမှပဲ သင်စိတ်ဝင်စားနေတဲ့ တစ်ယောက်ယောက်က သင့်ကို ပြန်ပြီး ကြွေဖို့ စဉ်းစားမှာပါ။ ဓာတ်ပုံထဲမှာ လှပြီး အပြင်မှာ ရုပ်ဆိုးနေတယ် ဆိုရင်တောင် သူက သင့်ကို အားနာနာနဲ့ တွဲရင် တွဲဦးမှာမို့ အကောင်းဆုံး Camera Affect တွေကိုသာ သုံးပြီး ဓာတ်ပုံရိုက်ပါ။ အလှဆုံးပြုံးနိုင်ဖို့ လေ့ကျင့်လိုက်ပါ ။

(၄) ကိုယ့်ရဲ့အချစ်ရေးကံ ဘယ်လောက်ဆိုးခဲ့ကြောင်း ဒရာမာ ချိုးပါ”

များသောအားဖြင့် ချစ်တဲ့စိတ်ဆိုတာ သနားတဲ့စိတ်ကနေ ဆင်းသက်လာတာပါ။ အယ်လယ်။ ကိုယ်အရင်က ဘယ်လိုပဲ ဘူခဲ့ ဘူခဲ့ လုပ်ကြံဇာတ်လမ်းတွေ ဖန်တီးပြီး ကောင်မလေးတွေက ရက်ရက်စက်စက် ပစ်သွားသလို ဘာညာ ဒရာမာတွေ ရေးပါ ။

ပြီးရင် ကိုယ့်ရဲ့ Facebook အကောင့်မှာ တင်ပါ။ အဲဒီလို လုပ်လိုက်ပြီးရင် ကိုယ့်ကို သနားတဲ့ ကွန်မန့်တွေ ရလာပါလိမ့်မယ်။အဲဒီထဲကမှ အရမ်းကြီး လာသနားနေတဲ့ တစ်ယောက်ကို ရွေး။ ရုပ်ကလေးကလည်း ကြည့်ပျော် ရှုပျော်လေးဆိုရင် စကားရောဖောရော သွားလုပ်။ အဆင်ပြေဖို့များတယ်နော်။

(၅) တိရိစ္ဆာန်လေးတွေနဲ့ ဓာတ်ပုံရိုက်ပါ

ဒါကတော့ သင့်ကိုယ်သင် ကြင်နာတတ်သူ တစ်ယောက်ဖြစ်ကြောင်း ပြတဲ့အကွက်ပါ။ များသောအားဖြင့်တော့ လူတွေရဲ့ စိတ်ထဲမှာ တိရိစ္ဆာန်လေးတွေကို ချစ်တတ်တဲ့သူ၊ သူတပါးကို ကူညီတတ်တဲ့ သူတွေကိုတွေ့ရင် အမှတ်ကောင်းကောင်း ပေးလေ့ရှိပါတယ်။

ဒီတော့ ချစ်စရာကြောင်လေးတွေ၊ ခွေးလေးတွေကို တွေ့တိုင်း ပိုင်ရှင်ကို ခွင့်တောင်းပြီး ကိုယ်မွေးထားသလိုလိုနဲ့ ဓာတ်ပုံရိုက်ပါ။ဒီလိုနည်းနဲ့ ဝါသနာတူ လက်တွဲဖော်ကို ရှာတွေ့နိုင်သလို ကိုယ်စိတ်ဝင်စားနေတဲ့ သူဆီက အမှတ်ကောင်းကောင်းလည်း ရနိုင်ပါတယ် ။

(၆) Love React တွေ မညှာမတာပေးပစ်ပါ။

သင်က တစ်ယောက်ယောက်ကို ချစ်နေပြီဆိုပါစို့။ အဲဒါကို သင့်စိတ်ထဲမှာပဲ သိမ်းထားရင် အဲဒီချစ်နေတဲ့ အဆင့်ကနေ ဘယ်တော့မှ တိုးတက်လာမှာ မဟုတ်ပါဘူး။ သင်သူ့ကို ချစ်တယ်ဆိုတာ သူသိကြောင်း ပြရမှာ ဖြစ်ပါတယ်။

သင့်အနေနဲ့ သူ့ကိုချစ်တယ်လို့လည်း ဖွင့်မပြောရဲသေးဘူး ဆိုရင် သူ့ရဲ့ Facebook မှာ တင်သမျှပုံတွေ၊ စာသားတွေကို Love React တွေသာ စွတ်ပေးပါ။ (စိတ်ဆိုးလို့ တင်ထားတဲ့ ပို့စ်တွေကိုတော့ ရှောင်ပေါ့)။အချိန်ကြာလာတဲ့အခါ သင့်ရဲ့ Love React တွေကို သူသတိထားမိလာမှာ ဖြစ်ပြီး သင်သူ့ကို စိတ်ဝင်စားနေတယ်ဆိုတာ ရိပ်မိသွားပါလိမ့်မယ်။

(၇) Cele တွေ ၊ အရမ်းကြည့်ကောင်းနေသူတွေကိုရှောင်ပါ။

သင့်အနေနဲ့ ဘယ်တုန်းကမှ ရည်းစားတစ်ယောက် မရခဲ့ဖူးဘူးဆိုရင် အွန်လိုင်းမှာ နာမည်ကြီးတဲ့ Cele တွေ၊ အရမ်းကြည့်ကောင်းနေတဲ့ သူတွေကို ရှောင်သင့်ပါတယ်။ ဘာလို့လဲဆိုရင် သူတို့က သင့်ကိုပြန်ကြိုက်ဖို့ အချိန်တော်တော်လေး ယူပြီး စဉ်းစားမှာ မို့လို့ပါ။

ဖြစ်နိုင်ရင် အနှစ် သုံးဆယ်လောက် ကြာသွားနိုင်ပါတယ်။ မထင်မှတ်ပဲ သင်ရည်းစားစကား သွားပြောထားတာတွေကို SS ရိုက်ပြီး တင်တာမျိုးတောင် လုပ်သွားနိုင်လို့ အဲဒီလို လူတွေကို ရှောင်သင့် ပါတယ်။ ပုံမှန်အနေအထားနဲ့ ဆွဲဆောင်မှု ရှိတဲ့ သူမျိုးကိုရွေးတာက အသင့်တော်ဆုံးပါပဲနော်။

Credit

Leave a Reply

Your email address will not be published.